冇諗過會有咁多人睇到同鍾意個Pokemon go inflight圖鑑，多謝大家 😌 其實改圖嗰日飛咗班仁川turn 遇到個極品惡客，又攰到癲咗⋯⋯連飛幾日turn，而家日日都覺得自己係條不折不扣嘅cp10鯉魚王⋯⋯（其實我好少飛turn 㗎嗚）
但，我寧願遇到惡客都唔想遇到惡姐。遇到惡客如果阿姐阿哥好人又撐你，乜都唔怕；但如果阿姐阿哥本身唔好⋯⋯真係輸在起跑線，你幾畀心機去做都冇用。即係，好似，尋日班新加坡turn 個阿姐咁：要製造「本galley極efficient 」之假象所以樣樣嘢都要極快係咁chur你，出cart前幾乎水都冇得飲啖；主動話幫你去呢去路但之後又要同你講覺得自己幫你做咗好多嘢，自己走去前面搬重嘢冇話過畀 任 何 人 知 但又要埋怨你唔幫佢手，經過aisle 有客同佢講話等緊杯drink就已經覺得你冇好好take care 個cabin，又從來唔appreciate 你嘅effort，連去prepour時喺個set好咗嘅drink drawer拎包果汁倒一杯畀個客都要窒你⋯⋯嘩你咁chur又咁有個性我真係無計呀我都係普通人嚟㗎咋大姐。🙄
飛SIN turn已經tough ，仲你阿姐要唔appreciate你嘅努力，再同Aft galley 阿姐講你冇做好你嘅工作，是咪正。反而係Aft galley阿姐由inflight 到夜晚share的士返屋企都一路讚你做得好好覺得你做得好辛苦⋯⋯是咪心酸。Aft galley姐總結，如果我阿姐屋企有工人姐姐，個工人姐姐會好很慘，因為永遠唔知佢想點而佢亦永遠唔會滿意。
between，我阿姐講嘢九成時間冇表情㗎，對假眼睫毛翹到大比鳥對翼咁，個眼神簡直刀咁利。好在雖然啲客煩到世界盡頭call light 冇停過但冇人complain 又冇乜特別事發生，唔係可能就畀佢用佢極級嘅氣場同如刀的眼神殺死㗎喇。btw 佢對個個BC同其他FP都係咁，佢個笑容，淨係留畀老總㗎咋。嘿嘿。
可能遇得太多好人，要突然遇個咁的去提醒我就算有七成好人都仲有三成係X的。好在班機完咗就bye bye 你條尾喇。CPP乜嘢如浮雲，對得住自己就得。你繼續做你嘅inflight control freak/ 完美人/ 埋怨王啦，我人生仲有好多美好嘅嘢去追尋，走先喇草泥馬。
photo taken in Winay Wayna, Peru. On the way to Machu Picchu. (Mar,2016)
Search